«Әкелер бізде қонақта» атты онкүндік барысында, «Жан әкем- жан жүрегім» тақырыбында көрме өтті.

   «Әкелер бізде қонақта» атты онкүндік барысында, «Жан әкем- жан жүрегім» тақырыбында көрме өтті. Болатай Досалиұлының ұйымдастыруымен өткен осы көрменің мақсаты, ата-аналарымыз аса көңіл бөлген бала тәрбиесіндегі еңбек сүйгіштік. 

  Көрмеге мектеп оқушыларының әртүрлі бағытта дайындалған, нақтырақ айтқанда тоқыма, кесте, бисер, жабыстырма сынды жұмыстары қабылданды. Әр бағытта әртүрлі заттардан жасалған жұмыстардың деңгейі сарапталып, бағаланды. Балалардың арман-қиялы мен шығармашылығы ұштасқан көрмеден көрермендер жақсы әсер алып қайтты. 

  «Ата – ана балаға сыншы». «Әке көрген оқ жонар, шеше көрген тон пішер» демекші, балаларды жан-жақтылыққа баулып, бос уақытын дұрыс ұйымдастырып, немен айналысып жүргендігіне жіті көңіл бөліп, еңбек сүйгіштікке дағдыландыра келе, ата-ана баланы үлкен жетістіктерге жетелейді. Осындай тәлім-тәрбие алған әрбір баланың болашағы жарқын болатынына кәміл сенеміз.