"Ар мен намыс таразыға түскенде"

Жоспарға сай мектепте өтіп жатқан айлықтар аясында "Ар мен намыс таразыға түскенде" атты тақырыпта 8-11 сынып оқушыларының қатысуымен дөңгелек үстел ұйымдастырылды. Дөңгелек үстелге Жуалы ауданы прокуратурасының аға прокуроры И.Жансерік, Жуалы АІІБ ЖПҚб бастығы полиция полковнигі А.Қарабаев, Жуалы АІІБ ЖПҚб ЮПТ инспекторы, полиция капитаны Д.Байдалиев қатысып, жасөспірімдер арасындағы құқықбұзушылық салдары мен әсер ететін факторлары бойынша құнды мағлұматтар айтып, оқушылардың міндеттері мен жауапкершіліктеріне тоқталды. Мектеп психологы М.Ускенбаева "Тұлғаның қалыптасуына әсер ететін орта" атты тақырыпта тренинг өткізіп, баланың психологиялық, физиологиялық қалыптасуы және кедергі келтіретін факторлардың салдары туралы ой бөлісті. Мектеп президенті 11 А сынып оқушысы Ә.Бекболатов ұлдардың тәрбиесі, белсенді оқушы 11 А сынып оқушысы Г.Алибекова қыздардың тәрбиесі туралы пікірлерімен бөлісті.