№1 мектеп-гимназиясында «Ұстаздарға мың алғыс» тақырыбында салтанатты шара өтті.

№1 мектеп-гимназиясында «Ұстаздарға мың алғыс» тақырыбында салтанатты шара өтті. Елімізде жыл сайын қазан айының алғашқы жексенбісінде тойланатын «Ұстаздар күні» мерекесі мектебімізде өз деңгейінде аталып өтті. «Мұғалімдер күні» мерекесін мерекелеу және мұғалім мәртебесін арттыру мақсатында аталып өтілген мерекелік шараға мектеп әкімшілігі, ұстаздар және оқушылар қатысты. Салтанатты шараны мектеп басшысы құттықтау сөзімен ашып,  ұлағатты ұстаздарды кәсіби мерекесімен құттықтап, шығармашылық табыстар тіледі. Кәсіби мереке қарсаңында білім және ғылым саласында өздерінің елеулі үлестерін қосып, табыстарға қол жеткізіп жүрген ұстаздарға алғыс хаттар мен грамоталар табысталды. Салтанатты шара мектептің өнерпаз жастарының ұстаздарына тарту ретінде әзірленген концерттік бағдарламасына ұласты. Өз өнерлерін ортаға салған 11 сынып оқушылары, жиналған қауымға ерекше көңіл-күй сыйлады.