Оқуға құштар мектеп жобасы аясында мектеп оқушыларының кітап оқуға құштарлығын,қызығушылығын арттыру мақсатында 1 мектеп - гимназияның кітапханашысы Орманова С. және қазақ тілі бірлестігінің пән мұғалімдері бірлесе отырып XX ғасырдың Гомері атанған Ж. Жабаевтың туғанына 175 жыл толуына орай “Тыңда ,дала, Жамбылды” тақырыбында мәнерлеп оқу байқауы өткізілді.

Жуалы ауданы 2021 жылдың 17 наурыз күні Елбасының «EI Umiti» бастамасы аясында өткен «Елбасы медалі» жобасының жеңімпаздары №12 Мұхтар Әуезов атындағы орта мектебінің 9-сынып оқушысы Сәулебек Әлішер және №1 мектеп-гимназиясының 10-сынып оқушысы Бегайдар Асылайды Жуалы ауданы әкімі О.Қаржауов және білім бөлімінің басшысы Н.Турмаханбетова «Елбасы медалі» жобасының қола медалімен марапаттады.

Ежелден жаңару мен жасампаздықтың бастауы, ырыс пен берекенің арқауы болған әз-Наурыз қажырлы еңбектеріңізге толағай табыстар әкелсін. Еліміздегі тұрақтылық тұғыры бекемделіп, бақ-берекеміз арта берсін! Ұлыс оң болсын, ақ мол болсын, ағайын! -деген ақсақалымыздың ақ батасымен 1мектеп-гимназиясының директоры Э.Әбілқызының ақ жарма ақ тілегі!